دەقی نامەکە
لە شەوي 26/10 پ.م قارەمانەکاني بەتالیۆنەکان لە سعات 5/12 شيرانە هيرشیان بردە سەر رەبایەی جاشەکاني 66 و فوج عربد و ربایەکاني فەوجەکە لە شاخ ئەشکەوتە رەش و شاخي مائیدول و شاخي پوشین و ناوچەي دوکان و توانرا هەمو ربایەکانیان کە زیاتر لە ٢٥ ربایە بو هەل بگرين و زیاتر لە (25) کوژراو و ٣٠ برینداریان هەیە و ٥ لاشەیان لە ساحەی شەر بەجى ماوە و رايان ئەکرد وەکو مشکه کوره بەرەو عربد و دوای جاشە خوفرۆشەکانی خائین کەوتن. زیاني ئيمە دوو برینداري بسیط. ئیتر بو پيشەوە بە سەروكایەتي بارزانی.
دەقی نامەکە بە ڕێنووسی نوێ
لە شەوي 26/10 پێشمەرگە قارەمانەکانی بەتالیۆنەکان لە کاتژمێر 12:30 شێرانە هێرشیان بردە سەر ڕەبایەی جاشەکانی 66 و فەوجی عەربەت و ڕەبایەکانی فەوجەکە لە شاخی ئەشکەوتە ڕەش و شاخی مایندۆڵ و شاخی پۆشین و ناوچەی دوکان و توانرا هەموو ڕەبایەکانیان کە زیاتر لە ٢٥ ڕەبایە بوو هەڵبگیرێن و زیاتر لە ٢٥ کوژراو و ٣٠ برینداریان هەیە و ٥ تەرمیان لە گۆڕەپانى شەڕ بەجێماوە و وەک مشکی کوێر بەرەو عەربەت ڕایان دەکرد و دوای جاشە خۆفرۆشە خائینەکان کەوتن. زیانی ئێمە دوو برینداربوون بە سووکى. ئیتر بۆ پێشەوە بە سەرکردایەتی بارزانی.